ធ្វើការនៅហេបភីច័ន្ទតារា

ជាអ្នកគ្រប់គ្រងផ្នែកគម្រោងនៅសាលាហេបភីច័ន្ទតារាតាំងពីឆ្នាំ២០២២ វាគឺជាបទពិសោធន៍មួយដែលបានជម្រុញ និងលើកទឹកចិត្តរបស់ខ្ញុំ។ ខ្ញុំនិងក្រុមការងារបានបង្កើត និងអនុវត្តគម្រោងក្នុងវិស័យភស្តុភារកម្ម សំណង់ បរិស្ថាន និងការអប់រំ។ បើទោះបីជាមានឧបសគ្គធំយ៉ាងណាក៏ដោយ ប៉ុន្តែឧបសគ្គទាំងនេះវាជារង្វាន់ដែលមិនអាចកាត់ថ្លៃបានទៅវិញសម្រាប់ខ្ញុំ។ យើងមានក្រុមការងារចម្រុះវប្បធម៌ដែលមានទឹកចិត្ត និងមានការប្តេជ្ញាចិត្តខ្ពស់ក្នុងការអនុវត្តគម្រោងប្រកបដោយនិរន្តរភាព ដែលជាផ្នែកនៃកិច្ចខិតខំប្រឹងប្រែងរួមគ្នាដើម្បីសម្រេចបាននូវរបៀបវារៈឆ្នាំ២០៣០។ ជាការពិតណាស់ ខ្ញុំដឹងថាការងាររបស់ខ្ញុំកំពុងជួយផ្លាស់ប្តូរជីវិត និងឱកាសរបស់ក្មេងស្រីមកពីក្រុមងាយរងគ្រោះ វាគឺជាមូលហេតុនៃការជម្រុញលើកទឹកចិត្តឥតឈប់ឈរ ហើយខ្ញុំមានអារម្មណ៍សប្បាយរីករាយ និងមានសំណាងណាស់ដែលបានចូលរួមចំណែកក្នុងការអប់រំ និងការផ្តល់សិទ្ធិអំណាចដល់ក្មេងស្រីទាំងនេះ។

ខ្ញុំបានចាប់ផ្តើមធ្វើការនៅសាលាហេបភីច័ន្ទតារាក្នុងឆ្នាំ២០១៧។ គោលដៅចម្បងរបស់ខ្ញុំបន្ទាប់ពីបញ្ចប់ថ្នាក់បណ្ឌិតផ្នែកអប់រំ គឺការបំពេញការងារនៅសាលារៀនណាមួយដែលខ្ញុំអាចផ្តល់ការអប់រំដែលមានគុណភាពដ៏ល្អទៅដល់យុវជនកម្ពុជា ដោយផ្តល់ឱ្យពួកគេនូវចំណេះដឹងយ៉ាងទូលំទូលាយ ជំនាញដែលចាំបាច់ ការគិតវិជ្ជមាន និងផ្នត់គំនិតដែលមានភាពធន់ ។

ក្នុងនាមខ្ញុំជានាយកគរុកោសល្យនៅសាលាហេបភីច័ន្ទតារា ខ្ញុំមានឱកាសបង្ហាញនូវទស្សនៈវិស័យ និងអនុវត្តវិធីសាស្រ្តបង្រៀនប្រកបដោយភាពច្នៃប្រឌិតដល់ក្មេងស្រី និងផ្តល់សិទ្ធិអំណាចឱ្យពួកគេក្លាយជាអ្នកដឹកនាំនាពេលអនាគត។ ខ្ញុំមានអារម្មណ៍ថាមានមោទនភាពយ៉ាងក្រៃលែងដែលមានមិត្តរួមការងារដែលបើកចិត្តទទួលយកអ្វីដែលថ្មី។ សាលាហេបភីច័ន្ទតារាបានទទួលនិងប្រើប្រាស់នូវគតិអប់រំរបស់ខ្ញុំនិងអនុញ្ញាតដើម្បីឱ្យខ្ញុំមបានចូលរួមចំណែកបង្កើតសមទ្ធផលជាវិជ្ជមានសម្រាប់អនាគតរបស់ប្រទេសកម្ពុជា។

ខ្ញុំបានចូលរួមជាមួយសាលាហេបភីច័ន្ទតារាជាគ្រូបង្រៀននៅឆ្នាំ ២០១៧។ ឥឡូវនេះខ្ញុំទទួលបន្ទុកលើកម្មវិធីជាច្រើនដែលរៀបចំសម្រាប់សិស្សានុសិស្សដើម្បីផ្តល់ឱ្យពួកគេនូវជំនាញជាក់ស្តែង និងផ្នត់គំនិត និងការណែនាំអំពីអាជីព ដើម្បីដឹកនាំពួកគេឱ្យទទួលបានការងារល្អបំផុត។

Our three programs (Open Students Mind, ICT, and Solidarity Projects) prepare our girls for their professional and adult life. For the Open Students Mind program, we cover six main topics: Values, Health, Environment, Society, Women, and Brand Cambodia/Entrepreneurship, using both indoor and outdoor learning methods. To enhance both soft and hard skills, we employ a Project-Based Learning approach to design community project.

ចាប់តាំងពីចូលធ្វើការនៅសាលាហេបភីច័ន្ទតារាក្នុងឆ្នាំ២០១៣ ខ្ញុំមានមោទនភាពក្នុងការចូលរួមចំណែកក្នុងការផ្លាស់ប្តូរបរិយាកាសអប់រំ។ ក្នុងនាមជានាយកកម្មវិធីអប់រំពីរភាសា ខ្ញុំបានធ្វើការជាមួយក្រុមការងារដែលខិតខំប្រឹងប្រែងដើម្បីបង្កើតកម្មវិធីសិក្សាដើម្បីផ្តល់ឱ្យសិស្សានុសិស្សរបស់យើងនូវជំនាញភាសាអង់គ្លេសដ៏ខ្លាំងពូកែ និងទស្សនវិស័យជាសកល ទន្ទឹមនឹងរក្សាបាននូវវប្បធម៌ខ្មែររបស់យើង។ ចំណុចផ្តោតសំខាន់របស់ខ្ញុំគឺរៀបចំពួកគេឱ្យមានការប្រកួតប្រជែងជាមួយសិស្សានុសិស្សដែលមកពីសាលាអន្តរជាតិឈានមុខគេក្នុងប្រទេសកម្ពុជា និងដំណើការប្រចាំថ្ងៃរបស់នាយកដ្ឋានភាសាអង់គ្លេស។