អ្នកស្រី Tina Kieffer- ជាប្រធានស្ថាបនិក

ប្រកបអាជីពជាអ្នកបោះពុម្ព និងផ្សព្វផ្សាយសាព័ត៌មាន រួមទាំងបានបធ្វើការជានិពន្ធនាយករបស់ទស្សនាវដ្តី Marie Claire ។ អ្នកស្រី Tina Kieffer បានបង្កើតអង្គការមិនមែនរដ្ឋាភិបាលបរទេសមួយឈ្មោះថា Toutes à l'école បន្ទាប់ពីបានធ្វើដំណើរមកប្រទេសកម្ពុជាក្នុងឆ្នាំ២០០៤ គឺជាពេលវេលាដែលបានផ្លាស់ប្តូររបត់ជីវិតអ្នកស្រី ហើយវាជាកន្លែងដែលអ្នកស្រីបានជួបក្មេងស្រីកំព្រាម្នាក់ដែលក្រោយមកបានក្លាយជាកូនចិញ្ចឹមទីប្រាំ។

បេសកកម្មរបស់អ្នកស្រីគឺដើម្បីលើកកម្ពស់ការអប់រំក្មេងស្រីនៅប្រទេសកម្ពុជាតាមរយៈកម្មវិធីអប់រំនៅសាលាហេភីច័ន្ទតារាដែលជាគម្រោងធ្វើឱ្យមានសមិទ្ធផលជាវិជ្ជមាន។ ដើម្បីសម្រេចគោលដៅនេះ អ្នកស្រីបានធ្វើយុទ្ធនាការផ្សព្វផ្សាយមួយឈ្មោះថា La Rose Marie Claire ដែលបានផ្តល់ជាមូលនិធិដល់ការសាងសង់សាលាហេភីច័ន្ទតារាហើយឈ្មោះហេបភីច័ន្ទតារានេះគឺដាក់តាមឈ្មោះកូនស្រីចិញ្ចឹមទីប្រាំបស់គាត់ដែលមកពីប្រទេសកម្ពុជា។ ក្នុងឆ្នាំ២០០៩ អ្នកស្រី Tina បានធ្វើការសម្រេចចិត្តចាកចេញពីទស្សនាវដ្តី Marie Claire និងវិស័យផ្សព្វផ្សាយព័ត៌មាន ដើម្បីប្តេជ្ញាចិត្តយ៉ាងពេញលេញចំពោះបេសកកម្មមនុស្សធម៌មួយនេះ។ ចាប់តាំងពីពេលនោះមក អ្នកស្រីបានបែងចែកពេលវេលារវាងការស្វែងរកប្រភពធនធានហិរញ្ញវត្ថុនៅប្រទេសបារាំង និងការគ្រប់គ្រងសាលាហេភីច័ន្ទតារានៅក្នុងប្រទេសកម្ពុជា ដែលមកទល់ពេលនេះ សាលារៀននេះបានវិវត្តទៅជាគ្រឹះស្ថានសិក្សាយ៉ាងសម្បូរបែបជាមួយគោលគំនិតផ្តោតលើការអប់រំអំពីបរិស្ថានផងដែរ។

ចាប់តាំងពីពេលនោះមក អ្នកស្រីបានបែងចែកពេលវេលារវាងការស្វែងរកប្រភពធនធានហិរញ្ញវត្ថុនៅប្រទេសបារាំង និងការគ្រប់គ្រងគម្រោងនៅប្រទេសកម្ពុជា។